4.18.2009

مش هتنازل عنك ابدا مهما يكوووووووون

هى:حبيبى ..مش هتكلم بابا بقى عشان تيجى تتقدملى ونتخطب هو : نفسى اوى ياحبيبتى ما تتخيليش انا بحلم باليوم ده ازاى..بس اليومين دول مش هقدر هى: ليه ياحبيبى هو حصل حاجة هو: فى مشكلة كده كنت محرج اقولك عليها هى: خير ..فى ايه؟ طمنى قلقتنى هو: انا..انا...مش عارف ..مش عارف اقولهالك ازاى.. هى: فى ايه وقعت قلبى..حبيبى انت عايز فلوس؟ هو : لالا طبعا ..من امتى وانا بخلى واحدة ست تصرف عليا! هى:ليه بتقول كده هو احنا فى بيننا فرق ياروحى..بس مش ده المهم المهم قولى فى ايه هو: اوعدينى انك تفهمينى ..وحياة حبنا ما تزعلى منى واعرفى انى بحبك وبموت فيكى وهفضل احبك لاخر العمر. هى: طبعا ياحبيبى انا اللى بفهمك وبقدر ظروفك..قولى طمنى حصل ايه ارجوك؟ هو:انا..انا.. متقدملى عروسة!!! هى : هههههههههه..حبيبى انت بتهزر .. حرام عليك وقعت قلبى بجد ..كده تخض حبيبتك..هههههههه هو: انا .. انا مش بهزر..انا بتكلم بجد هى (مذبهلة): بتتكلم جد ازاى يعنى؟!! هو:فى واحدة كلمت ماما عليا عشان بنتها وللاسف ظروفها المادية كويسة جدا وماما بتضغط عليا عشان اوافق. هى:.......... هو: انا عارف انك مستغربة بس هو ده اللى حصل وانا مش عارف اعمل ايه؟ هى:............ هو: انا كلمت بابا فى موضوع جوازنا وهو مش قادر يقف ادام كلمة ماما انا مش عارف اعمل ايه. هى:............ هو: انا ... هى(مذبهلة ومتنحة): انت بتقول مينا تقدم لمين؟!! هو: حبيبتى انا مقدر رد فعلك وحاسس بيكى اوى بس انا مش قادر اقف ادام ضغط ماما وبابا وغير كل ده هى مستواها المادى والاجتماعى كويس جدا جدا .بتشتغل دكتورة وبتقبض 3000 جنيه فى الشهر ومعاها عربية وعندها شقة والاجهزة والتشطيب عليهم.. هى (وعينيها مبحلقين فيه):.................. هو: انا لما كلمت ماما قاتلى هى اللى انت عايز تتجوزها دى حيلتها ايه سورى يعنى ياقلبى ولا بتقبض كام لا هى من مستواها ولا انت من مستواها انت بتقبض 600 نيه بحالهم ودرجة تانية انما هى حيالله ب200 جنيه ودرجة رابعة ولاشقة ولا عربية ولا وظيفة كبيرة...سورى يعنى ياقلبى. هى: ...................... هو: حبيبتى انتى مش بتردى ليه..انتى زعلتى؟!!! هى(باستعباط): انا مقدرة الموقف اللى انت فيه..عشان كده هسيبك تشوف حياتك..انت عندك حق انا مش معايا لا حاجة من اللى عند العروسة اللى متقدمالك..مكنتش اعرف ان العروسة اللى بتكون نفسها دلوقتى..وانا مش عايزة اعذبك معايا واعرضك لكلام الناس واوقف حالك..عشان كده انا هسيبك تروحلها يمكن تكون احسن منى وتحبها. هو: حبيبتى لا ما تقوليش كده انا مقدرش ابعد عنك ابدا.. مقدرش اعيش من غيرك. هى(بمسكنة مستعبطة): لا ياحبيبى انا مش هرضى انك تستنى 10 سنين كمان على ما اكون مستقبلى واجيب حتى طن حديد ..روح اسمع كلام مامتك خليها تنفعك..
• ملحوظة • الشخصيات فى القصة مش خيالية وتمت للواقع بكل الصلة

هناك 12 تعليقًا:

فاطمة اسامة يقول...

أنا اول مرة اقرأ ليكي
بس فعلا الموضوع جميل وعايزة اقولك ان العينة دي في منها كتير بس بأشكال مختلفة

Sarah el eskafy يقول...

ميرسى اوى يا فاطمة
نورتى البلوج
ويارب ماتكونش اخر مرة تقريلى

max.adams يقول...

تباً أهكذا أصبح الوضع !!

والله زمان ... رحمنا الله رحمة واسعة ...

Lady E يقول...

للأسف في ناس كده فعلا وشخصيات واقعيه بس بجد ميتبكيش على الشخصيات دي

وتصرف البنوتة حلو بجد عجبني موقفها وان شاء الله ربنا سبحانه وتعالى هيرزقها بإنسان يحبها ويصونها

Jo يقول...

Very unique blog.
Fantastic pictures. Wow...

I like your blog.

Please visit:
http://bali-digitalworld.blogspot.com

Keep blogging.
Have a great time.

وومن يقول...

اه حقيقة وبتحصل وحصلت قدامي مهو ده اخر زمن

يلا فين بقي علي ما اكون نفسي ربنا معانا

سبهللة يقول...

اول مرة اجى عندك
عجبنى البوست اوى .. تسلم ايدك
فعلا الدنيا يا ما فيها عجايب
هو دة زمن العجب كله
الاية اتقلبت والست هى الى بتقوم مقام االراجل
طبعا انتى عارفة ان الرجالة ماتت فى 73
تحياتى لك وبالتوفيق ان شاء الله

سارة يقول...

و أنا كمان اول مرة ازورك حلوة مدونتك جدا

موقع جوجو الشامل يقول...

الموقع متميز جدا

غير معرف يقول...

ههههههههههه موضوع جميل وانا اول مره اقرالك
بس بدل قعده البنت المفروض تروح الكويت تشتغل علشان تلحق تكون نفسها بدل ما الولد يعنس ههههههههههه :D

زيئبق يقول...

بصراحه ههههههه من شر البليه مايضحك بس احنا في زمن 2/1 راجل وال 8/1 راجل وال2/1 ثمن راجل وطبعا الناس الضريبه فهمين !! ولا اخفى شعورا سعيدا بأن هذا انجازات توعيه, والمساواه,والتحرير,
قالوا : اخروجها من عصر الحريم الي عصر التحرير فاصبحن كالحرير في سوق ......... ......ايه الوكاله طبعا( احنا لينا سوق غيرو)
*بالنسبه للشباب ع عينك يا تاجر (عبده شطان -شواذ-وصولي-يتنفس تحت الماء) نعم تلك هي الحقيقه يا ساده
****************
وما تأسد الحمل الا عندما استونق الجمل.
تحياتي

ايمان يقول...

ههههههههه حلوة اوى ياسارة
وللاسف الواقع حاليا بقى اغرب من الخيال