ذكريات
مذاكرة وذاكرنا
سهر وسهرنا
تهديد واتهددنا
زعيق واتزعقلنا
ضرب واتضربنا
جرى وجرينا
هدوء واتهدينا
عذاب واتعذبنا
تنطيط واتنططنا
شعبطة واتشعبطنا
***
اصحاب وصاحبنا
اصحاب وفارقنا
اصحاب واتجمعنا
اصحاب واتمصلحنا
(علاقة مصلحة يعنى)
***
ابتدائية وخدناها
اعدادية وعديناها
ثانوية وشربناها
كلية والحمد والفضل لله وحده اللى قدر يخلينا نعديها
***
نجحت
واتخرجت
وبقيت عاطلة بالاوراق الرسمية
وبشهادة الشهود
**
باركولى بقى عشان عملتها واتخرجت
بعد 15 سنة خدمة فى التعليم المصرى
قدرت اعديه بنجاح وبدون اى كبوات
فعلا التعليم فى مصر بيخرج شخصية برضه
بيخرج ناس تقدر تكافح كل حاجة فى الدنيا
المشاركات
هناك ١١ تعليقًا:
مبروووووووووووووووووووووووووك ياسوستى عقبال الجواز يختى وتقعدى جنبي ههههههههههههههههههههههههههههه
وعقبالنا كلنا عالتخرج يارب
هييييييه , دنيا , ومادايم الا وجه الله
مبرووك , ومرحبا فى العواطلية , - انا لسة مش معاكم
مبروك
اعقبال ما تكلمى حياتك زى الشاطرة كدة
شدى حيلك
مبروك الف مبروك احساس اكيد جميل انا ناقصلنى سنة باذن الله يا رب واخلص زيك كده بس قولى يا رب
تحياتى
مبروك يا سوستي وعقبال ما تحققي كل اللي نفسك فيه
مبروك يا قمر
مبروك التخرج
الف الف مبرووووووووووووووووووك عليكى الشهاده الكبيره وعقبال يارب كده نباركلك وانتى عروسه فى الكوشه
مبروك يا سوسه وعقبال متبقى حاجه كبيرة كدة فى الحياه .. وتشتغلى فى الاى ار تى ولا البى بى سى كدة قادر يا كريم :)
سلام
مبروووووووووووووووك يا ستي
بعد 14 سنه خدمه في ثانوي
هههههههههههههههههههههه
ربنا معكي في اللي جاي
ألف مبروك على التخرج
عقبالى يارب عقبالى
الف مبروك ياجميله على التخرج
إرسال تعليق