2.08.2008

كل عيد حب وانتوا مفلتنين

طبعا انا عارفة انى بتاخر كتير على ما اكتب فى البلوج لدرجة ان الناس اللى بيزورونى طفشوا بس معلش بقى ياجماعة انا خلاص استوظفت من اول الشهر وبقيت فيرى بيزى نسبيا يعنى بس ده ما يمنعش انى بشيك على اعمالى على الانترنت من وقت للتانى وبالنسبة لاعضاء جروب مهزلة ونقابة اللى حب ولا طالش اللى على الفيس بوك انا بعتذرلهم انى مش قادرة ادخل بس عشان الفيس بوك حلف فجأة انه ما يفتحش من جهازى خالص للاسف وانا مش لاقياله اى حل غير انى لما اعرف اسرق شوية وقت من عند حد من قرايبى كده انى ادخل اشوف ايه الاخبار واظبط الجروب على قد ما اقدر نيجى للمهم بقى طبعا عارفين يوم الخميس اللى جاى .. ايون هو اللى جاى على طول ده هو يبقى اليوم الاحمر يوم الفالرتايم(الفالنتين للى ما يعرفوش اسمه الجديد) عشان كده بقول لكل المرتبتين والحبايب والمتجوزين هانى فالرتايم داى ياجماعة وبقول لكل الغلابة اللى زيى كده اللى مش هيفلتنوا محدش يخرج من بيته يوم الخميس والا هو حر.. وقد اعذر من انذر انا عملت اللى عليا وحذورتكوا اليوم ده هيبقى كله احمر فى احمر وقلوب والكورنيش كله هتلاقوا عليه كل اتنين قاعدين يسبلوا لبعض واحنا نبقى ماشيين كده زى عوانس الفرح اى نعم الدباديب والقلوب واللون الاحمر طاغى اليومين دول اه وانا شخصيا بعمل نفسى عندى عمى الوان وبعدى عاااااااااااااااااااااااادى وبعمل نفسى مش شايفة محل الهدايا اللى تحت الشغل بتاعى ولا اللى على ناصية الشارع بتاعنا خاااااااااااااااااااااااالص بس يوم الخميس الحاجات دى هتتقلب هدايا وكل واحدة تشوف واحد ماسك هدية حمرا ومعدى جنبها كده من غير مايسال فيها اكيد اعصابها هتتعب واليوم يقلب غم ونكد عشان كده نصيحتى اللى تشوف واحد ماشى بهدية حمرا طلعى رجلك كده ادام شوية وكعبليه خليه يقع تتكسر رقبته عشان يحرم ما يراعيش شعور الناس الغلابة اللى زينا تانى ما احنا برضه بنات ناس ولا هى المحروسة اللى رايحلها دى هى الوحيدة اللى بنت ناس يعنى.. قلة ادب صحيح والشباب اللى زى الورد الغلبان السينجل اللى زى حالاتى دول برضه لو شافوا بنت ماشية عاملة شعرها كيرلى ولابسة بدى ربع كم فى عز البرد وبنطلون كراش وبوت طويل مدخلة فيه رجل البنطلون عشان محدش ياخد باله انها واخداه من بنت الجيران اللى اصغر منها ب10 سنين ..طلع رجلك 2 سم ادامها وكعبلها انت مش احسن من البقف اللى هتروح تقابله ويلهف هو الهدية انت اولى طبعا. والناس بقى اللى مش لاقية تاكل زى حالاتى برضه ونفسها يجيلها هدية انا جبتلها الحل المتين انتوا تجيبوا باكوا شمعدان الشبهح اللى لونه احمر ويلفه لفة محترمة كده من اللى بتيجى فى التى فى بشرط يكون لون اللفة احمر فى روز عشان الفالرتايم يعنى وهات كارت واكتب فيه احبك للابد وافضل اتفرج عليه طول اليوم او خدها وحطها فى شنطة شيك ولف بيها فى الشوارع عشان كرامتك اللى اتبعزقت فىا ليوم ده ترجع تانى .. وربنا يهدى اللى اتعموا دول بقى احنا مش بنشوف اليوم الاحمر ده الا كل سنة مرة..هييييييييييييييييييه(بتنهد) ياقوىىىىىىىىىى ************************** ملحوظة الفالرتايم هو الفالنتين بس للى مش مرتبتين

هناك 8 تعليقات:

غير معرف يقول...

تعرفى .. فى ناس بتكون موهوبة وفى ناس تانيه بتكون موهومة .. انتى من النوع الأول .. اسلوبك بسيط وواضح وبيوصل بسهولة وده منتهى النجاح..
أنا من النوع التانى .. الموهوم .. وعلشان الفالنتين اسمحيلى اوريكى وهم من اوهامى

تساؤلات حائرة

سيدتى .. علك تجيبين
كم قلب لك ؟؟ أتعرفين؟؟
كم رجل ذاق رحيق شفتيك؟؟ أتذكرين؟؟
هل كنت حقا ذلك الطيف الرقيق؟
هل كان فى عينيك حقا
يشتعل هذا البريق؟؟
سيدتى .. هل تشعرين؟؟
هل بالبراءة تؤمنين؟؟
هل أنت مثل الناس
تمتلكين قلبا يمكنه أن يحب
أو أن يأتي يوم ينبض بالحنين؟؟
إبحثى عن الأجوبة سيدتى
إبحثى فى شقوق الجرح فى الزمن الردئ
إبحثى عن كل ما قد ضاع منك
عن الصدق .. عن الوفاء..عن قلب برئ
إبحثى ولا تتوقفى
فأنت دوما تخسرين
إبحثى ولا تتوقفى
ولعلك لنفسك ترجعين


شكرا يا فندم وبالتوفيق .. على فكرة انا عضو فى نقابة اللى حب ولا طالش على الفيس بوك

عمرو عصام

غير معرف يقول...

شكرا على كلامك اللي زي العثل
وهنعمل بنصحتك ان شاء الله
هههههههه
عمرو مدحت
Dr.Amor Medhat @FaceBook

Soooo يقول...

انتي مشكله تمشي على قدمين
خفة دم مصريه ميه في الميه
انا سعيد بجد اني دخلت هنا بالصدفه
وسعيد اني قريت موضوعاتك كلها


بجد بجد .. انتي دمك خفيف جدا جدا جدا جدا




سلاموووووووووووز

غير معرف يقول...

ايه ده يا سارة.. ايه الكلام ده كله .. انا مش مصدق .. لا بجد روعه .. وايه المواهب اللي طلعت فجأة دي.. يعني اربع سنين كلية ومكنتش شايف كل ده ؟!!! ولا دكتور حاتم ودكتور أشرف والبهواشي كانوا مخبيين كل ده ؟!!!
ههههههههههههه

لا بجد كلام خفيف وجميل.. يلا بقي اكتبي وورينا ابداعاتك.

اسلام فاروق

sosa يقول...

عمرو
نورت المدونة ونورت النقابة اللى وحشتنى
بس هو انا عاملة النقابة عشان تعيش فى الوهم وتكتب عنه
يا ابنى انسى
ما الاقيش عندك رغيفين عيش؟؟

sosa يقول...

عمرو مدحت
ايه اخبار النصايح
انت مارجعتش ليه تقول حصل ايه
اوعى تكون روحت مستشفى ولا قسم ولا حاجة
طمنا عليك يا ابنى

sosa يقول...

سووووووووووووو
بجد انا اللى سعيدة بوجودك فى البلوج جدا جدا جدا جدا

sosa يقول...

اسلام فاروق
كلية ايه
مين حاتم ده كمان؟؟
مصيبة تكون طلبت النمرة غلط