٧.٢٧.٢٠٠٨

هى دى مصر يا هبلة

ممدوح سالم برأوه
طبعا الكل معترض ومش فاهم اللى فيها
انا بقى بعد تفحيص وتمحيص من اللى انتوا عارفينه توصلت لسر البراءة
الراجل ده يا جماعة وطنى ...اه والله وطنى
ازاى انا هقولكوا
ممدوح اسماعيل عنده منظرومة جامدة جدا فى البيزنس اصل انتوا عارفين الناس دى بتشتغل فى كل حاجة
زى ما بيهربوا فلوس لسويسرا وعشان وطنيته بتنقح عليه وانه ازاى يطير فلوسه برة وبلده جوة يسيبها محتاسة يعنى .. لا طبعا ما يصحش يقوم يعمل ايه بقى
يقوم يغرق 1400 بنى ادم من اللى هما شحم ولحمد دول وبيجروا على قوت يومهم بالعافية ولما صدقوا راحوا اتمرمطوا وشقيوا وعملوا القرشين عشان ييجوا يجيبوا لولادهم لعبة اتحرموا منها ويبنولهم بيت يلمهم بدل الشقق الايجار الجديد اللى بتبهدل خلق الله دى ويعوضوهم عن الحرمان اللى شافوه فى غياب اباهاتهم
يقولم يصدر روحهم هما كمان لعذرائيل ويبقى بكده وفر للدولة مصاريف 1400 شخص ده ان كانوا بيصرفوا عليهم اصلا 
ليه بقى 
قولولى ليييييييييييييييييه؟
انا اقولكوا
عشان الدولة توفر حياة كريمة لاولاده بدل ماهما كانوا متشردين كده 
ويعيشوا معزعزين مكركمين فى وطنهم حبيبهم
يبقى الراجل وطنى ولا لا
غرضة شريف ولا لا
ده قلبه بفتة بيضا
بس انتوا اللى ما تعرفوهوش
بلاش ظنونكوا الوحشة دى.
***************************

سمعت عن انهم عايزين ياجلوا الدراسة لبعد العيد يعنى فى اكتوبر تقريبا
والامتحانات بتبقى نص ديسمبر
افهم من كده ان الطلبة اول حصة ليهم عنوانها مراجعة على ما لم يتم دراسته؟

هناك ١٥ تعليقًا:

Mahmoud Ibrahem يقول...

اسمحيلي
انا محامي
قانونا لم يرتكب ممدوح عباس اي جريمة
وانا كنت مراهن علي براءته
كلام الغوغاء اه
لكن القانون
لا
هو اصلا برئ من قبل الاتهام

Rannon يقول...

واضح انه وطني
وطن وطني زحييح
وهي دي مصر يا هبلة

تحياتي

Abu Shahin يقول...

مش عرف والله اذا كان ممدوح اسماعيل ليس مذنبا فمن المذنب اذن
أمن المحتمل ان يكون المذنب هو الركاب؟ .. بلى قطعا الركاب يتحملون جزئا ليس باليسير ..فلماذا لم يتعلم هؤلاء المجانين الطائشين العوم ولمَ لمْ يستجيبوا لنداء السيدة العظيمة نجلاء فتحى وهى تترجى محمود يس بأن ( علمنى العوم والنبى يا أحمد ) واحمد هنا ليست لشخصه.. ولكنها مجاز مرسل علاقته الجزئية على خلفية ان الشعب معظمه اسمه احمد ..اذن فليتحمل اهالى الضحايا ذنب اولادهم .. ويكفوا عن لطم الايادى وشق الاثواب والتمرغ فى التراب فهذا لن يجدى ..لان اولادكم هم من يتحملوا الذنب وانتم ايضا لانكم لم تحثوا ابنائكم على تعلم السباحة.

Zanooba (Zeinab sab9n) يقول...

والله إحنا الغلطانين يعني إحنا اللي أستعمالنا زبالة !! يعني أنا مش فاهمة طالما إبراهيم إسماعيل مالك العبارة و هو اللي كان على إتصال بالقبطان و العبارة بتغرق و مبلغش الميناء و ساب الناس تغرق....لا حول ولا قوة إلا بالله د
سلاااام

Unknown يقول...

للأسف احنا بقينا عايشين في زمن فيه رجال الاعمال اكبر من القانون ومن البلد نفسها

الاستاذ محمود اللي بيقول ان القانون بيبرأه ماعرفش هو طلع برءه ازاي ولا ايه

محدش قاله ان القاضي ماستندش للطب الشرعي ولا لكلام الشهود

ولما هو برئ النائب العام اعاد اتهامه تاني ليه

اعتقد ان دمنا محروق من غير حاجه زياده

لو القانون يبرأ ممدوح اسماعيل يبقي لازم يتغير

الحل العادل الوحيد انه يترمي في البحر في نفس الوقت لأسماك القرش وهي تبرأه بطريقتها بقي

ابو اعصار يقول...

عادي خالص مفيش شئ تستغربله احنا بعد احداث11 سبتمبر كل شئ جائز
تحياتي

Eman يقول...

قولو حسبنا الله ونعم الوكيل

وربنا يرحما جميعا برحمته


رمضان كريم تصومو وتفطرو على خيـــــر

غير معرف يقول...

besara7a el kalam maloosh ae lazma
hoa a5ad bara2a
we be2olo etahamo tane ,, efra7 ,, za2tato
bas akeed ya3ne haetla3 bara2a tany 7aga mesh me7taga fakaka ya3ne
we e7na ma3alena 2ela neharfat belkalam
baladna bemashoha zae ma homa 3aezeen
we 3'zb 3an 3een el te5een
we ele mesh 3agbo ,,
YETKALEM
bs el kalam mesh befloos
wala bewady wala begeb

حزيــــــــــــــــــن يقول...

السلام عليكم
كل عام وانت بخير
يااااه
بقالى كتير مش باجى هنا
انت من اول المدونين اللى عرفتهم
اتمنى تكونى بخير

Unknown يقول...

كل سنة وانتي طيبه
رمضان كريم

كـــيــــــــارا يقول...

كان شئ متوقع

عاااااااااادي جدا

مفيش الا حسبي الله ونعم الوكيييييييييييل

تحياتي

Ahmed Al-Sabbagh يقول...

هههههههه
ربنا يرحمهم فى البحر .. ويرحمنا فى البر

SAMEH يقول...

حسبيا الله ونعم الوكيل

غير معرف يقول...

هو انا ما دخلتش وعلقت هنا
ولا بيتهيالى

ده نظام بلد ياماما ومش بيتغير

وادينا راكبين العجله وبتلف بينا لحد ما تنكسر ونبداء من جديد

gfjghjghghj يقول...

واضح
..............