3.16.2009

مع او ضد

لية الأهل والمجتمع كله بينبه على البنت ما تتكلمش لما يحصلها معاكسة أو تحرش أو أى حاجة ؟؟ وهل انت مع او ضد ان البنت تتكلم لو حد اتحرش بيها ؟؟ وليه؟؟

هناك 6 تعليقات:

moro_wbs يقول...

انا مع انها تقول .. مهما كان الموضوع قاسي ...

لان عليها مسئولية تقديم اللي اتحرشوا بيها للشرطة لحماية الاخرين ...

والمسئولية دي قدام ربنا قبل اي شيء ...

وليكن الله في عون اي بنت ابتليت هذا الابتلاء ...

وانا عن نفسي متقبل البنت دي جدا ومش رافضها .. من نظرتي كفرد من المجتمع ...

وشكرا على طرح الموضوع ..

غير معرف يقول...

وهتسكت لحد امتى ؟؟؟!!!

المشكلة ان مافيش ظابط ( جاية من الظبط يعني و تحيا الحكومة ومصر هي امي ومش قصدنا حاجة خالص والامن مستتب ويحيا السيد الصول اللي ساكن تحتي ) ولا رابط يعني كله في الطيلامنة لو سكتت الاخ الغتيت المعاكس هيتمادى ومش هيلاقي حد يلمه لان الشعب بتاعنل خلاص بقى سلبي اوي جدا خالص ولو اتكلمت مش هيتحركوا برضه ولا البعيد هيبقى عنده دم ويسكت
انا عندي راي يمكن يعجب السادة المسئولين عن المحروسة (( اللي هي البنت يعني مش قصدنا حاجة برضه ) انهم يعينوا امن لكل واحدة بتتعاكس منها الشباب يشتغل واحتمال كبير يتجوزها ونبقى عملنا اسرة سعيدة وضربنا البطالة في مقتل وسلملي على اولاد الـــ ..... المحروسة برضه

الساخر الغامض نصف نائم
ghaiboba@hotmail.com

SAMEH يقول...

عشان المجتمعات الشرقيه عموما بتخاف من الفضيحه ودا موضوع

amr elsharqawy يقول...

انا من رائى انها تمشى على طول ولما توصل البيت ممكن تبلغ حد من اهلها
وهو يتصرف ليه بقا
لانى مجتمعنا اصبح سلبى بطريقه غير طبيعيه الشهامه ومروة ولاد البلد بتموت يوم ورا يوم
منعا للبهدله ليها تمشى ومتردش واخوها او اهلها يتصرفوا

انا من أكون ؟! يقول...

فى حال أنها تعرضت لمحاولة تحرش جنسي .. انا رأئي أنها تبلغ فورآ .. وحتي لو لم تتخذ الاجهزة المعنيه التصرف اللازم يكفيها شرف المحاولة .. !!

أنما ماينفعش انها تدفن راسها فى الرمل زي النعام .. لو عملت كدة هاتكون شريكة فى أحدي قضايا الفساد فى مصر .

max.adams يقول...

الموضوع أن المحيط راكد و حاجه زي كده عايزه حركه متكامله ،
هو يتحرش هي تنهره و تبلغ الدوريه و هم يتصرفوا ، انما دلوقتي لو تخيلنا السيناريوهات

* هو يتحرش ، هي تنهره ، هو يستحي و يمشي
* هو يتحرش ، هي تنهره ، هو يزيد فيها
* هو يتحرش ، هي تسكت ، هو يمضي ..
* هو يتحرش ، هي تصمت هو يزيد ، هو آخر يتصدى له .. ( خناقه ) واللي غلطان اللي دخل يتصدى للموضوع - لك أن تتخيلي لو كنت في الموقف مكان ذلك الشخص - ببساطة حتى لما حد بيتحرك بيكون رد الفعل على تصرفه في غاية السخافة ...

و ما أقدرش أقولها تسكت و ما أقدرش أقولها تتكلم ، لأن في بنات تقدر تصد بنظرة ، و في بنات تصد بكلمة ، و في بنات بتشرشح للي يعاكسها

فأكيد لكل موقف معطياته الخاصه به