١.٢٧.٢٠٠٧

حاجة مضايقانى اوى وشاغلة تفكيرى بقالى فترة من اول مازميلتى اتخطبت المشكلة مش فى الخطوبة ولا اتخطبت لمين المشكلة بعد الخطوبة الحياة ازاى هو يوكل اهله يدوروله على عروسة حلوة وبنت ناس
هما يلاقوا العروسة وينزل يتفق على كل حاجة ويخطبها ويسافر كل ده فى اسبوع واحد سنة وللا اتنين ويرجع يتجوزوا وياخدها ويسافر طب انا نفسى افهم امتى هيحصل بينهم التواصل امتى هيتناقشوا امتى هيتكلموا ويتفاهموا على تفاصيل حياتهم امتى هيحصل بينهم التفاهم ويفهموا طباع بعض من الاخر ليه فترة الخطوبة دى بدل اصلا مش هيشوفوا بعض الا وهو راجع يتجوز او لو نزل فى النص يومين اجازة
ده اللى بيفضلوا سنين مخطوبين وقبلها كامن سنة بيحبوا بعض ممكن فى الاخر ينفصلوا لانهم ماقدروش يفهموا بعض
يبقى ازاى هنحكم على واحد من مكالمات تليفون سريعة وللا حتى نت وللا مقابلة واحدة وقعدة جنبه فى كوشة
وللا هو طمع فى مركز ومال وخلاص هى دى تبقى جوازة؟
sarah

هناك ٤ تعليقات:

غير معرف يقول...

موضوع جميل ...

لكن برضو فترة الخطوبه الطويله بيكون ليها عيوبها ... أنا شخصيا شايف إن الإعتدال هو أحسن حاجه , وطبعا أنا ضد فكرة إن واحد ينزل أجازة يتجوز ويرجع ... زيها زى التجنيد أو الماجيستير ... لكن للأسف أزمه الزواج خلت بعض الأهل يشوفو بناتهم كإنهم مجرد سلع ..

ربنا معانا .

شكرا يا سارة على الطرج الجميل والبوست اللذيذ دة

غير معرف يقول...
أزال أحد مشرفي المدونة هذا التعليق.
dandana يقول...

مع انى مش موافقة على طريقة زى دى فى الجواز....
بس بصراحة بشوف ناس كتير بينجوا...
يعنى ناس عايزة تعيش ...واوقات بيقولو اهو جوازة ولازم تنجح....

عادى...
احنا اصلا مليانين تناقض...
جت على دى...

غير معرف يقول...

والله ياسوسه مش عارفه حقيقى ازاى يعيشوا مع بعض
بس فعلا فى جوازات بتعيش
وانا اتعرض عليه كده قبل كده
واحد اتقدملى وعايز يتجوزنى على طول ونسافر
يا اما نتخطب وهو يسافر وييجى يتجوزنى ونسافر تانى
بس رفضت
لان بصراحه حسيت انى هتجوز حد غريب عنى
ولازم فالجواز الاتنين يكونوا بيحبوا بعض
وميرسي على الموضوع الجميل
وعلى فكره المدونه تجنن