3.07.2007

النهاردة نجحت الحمد لله عديت فى مواد مكنتش متوقعة انى اعديها ولا بعد 10 سنين المفروض اكون فرحانة ومبسوطة بس مش عارفة انا ليهه احساسى العكس تماما مش فاهمة ده من تاثير الصدمة ولا حالة نفسية ولا عدم رضا ولا ايه بالظبط وللا يمكن اكون حسة بالذنب لان المفروض كنت اجيب اكتر من المقبول لولا الزهايمر اللى بيفرمت دماغى اول باول وضيعنى فى الامتحانات انا هتجنن للمرة ال7986 تعبت:(

هناك 8 تعليقات:

dandana يقول...

مبروك يا سوستى.....

لولولولولولولولولوىىىىىىىىىىى

عقبال التيرم الجاى ...ماتزعليش نفسك على التقدير...
انت قدها وقدود يا باشا...

Rana يقول...

سوستي
ألف ألف ألف مبروك ياقمر عالنجاح وبعدين ماله المقبول طالما من غير حاجة معاه قشطة وميت فل عقبالي يارب
يكونش احساسك او عدم احساسك بالنجاح سببه تاتوووووووووو(وش بيغمز)

Mohamed Hamdy يقول...

الف مبروك يا سوسه هانم .. ياريت بس تفتكرى اخواتك اللى لسه نتيجتهم مطلعتش بالدعاء

sosa يقول...

دندونتى حبيبتى ميرسى ياميوى
عقبالك ياااااااااارب
ومش زعلانة ع التقدير انا اتعودت على اللى العن من كده
بس الاحباط والزهايمر بقى انتى عارفة:(
--------------------------
رنا
اشوف فيكى يومين ورا بعض يارب
انتى عارفة ليه
(وش متنرفز وساطور كمان)
------------------------------
محمد
ميرسى ربنا يبارك فيك يارب
وعقبالك لما تجيب تقدير كبييييييييير
وامتيازات كلها عشان تتنطط علينا

بنى أدم مع وقف التنفيذ يقول...

مبروك

sosa يقول...

الله يبارك فيك ياتهامى يارب
عقبالك
بس بتقديرات ان شاء الله
بلاش الخيبنة بتاعتى دى

ماشى الطريق يقول...

مبروك
:)

sosa يقول...

الله يبارك فيك يارب