٣.٠٧.٢٠٠٧

النهاردة نجحت الحمد لله عديت فى مواد مكنتش متوقعة انى اعديها ولا بعد 10 سنين المفروض اكون فرحانة ومبسوطة بس مش عارفة انا ليهه احساسى العكس تماما مش فاهمة ده من تاثير الصدمة ولا حالة نفسية ولا عدم رضا ولا ايه بالظبط وللا يمكن اكون حسة بالذنب لان المفروض كنت اجيب اكتر من المقبول لولا الزهايمر اللى بيفرمت دماغى اول باول وضيعنى فى الامتحانات انا هتجنن للمرة ال7986 تعبت:(

هناك ٨ تعليقات:

dandana يقول...

مبروك يا سوستى.....

لولولولولولولولولوىىىىىىىىىىى

عقبال التيرم الجاى ...ماتزعليش نفسك على التقدير...
انت قدها وقدود يا باشا...

غير معرف يقول...

سوستي
ألف ألف ألف مبروك ياقمر عالنجاح وبعدين ماله المقبول طالما من غير حاجة معاه قشطة وميت فل عقبالي يارب
يكونش احساسك او عدم احساسك بالنجاح سببه تاتوووووووووو(وش بيغمز)

محمد حمدي يقول...

الف مبروك يا سوسه هانم .. ياريت بس تفتكرى اخواتك اللى لسه نتيجتهم مطلعتش بالدعاء

Sarah el eskafy يقول...

دندونتى حبيبتى ميرسى ياميوى
عقبالك ياااااااااارب
ومش زعلانة ع التقدير انا اتعودت على اللى العن من كده
بس الاحباط والزهايمر بقى انتى عارفة:(
--------------------------
رنا
اشوف فيكى يومين ورا بعض يارب
انتى عارفة ليه
(وش متنرفز وساطور كمان)
------------------------------
محمد
ميرسى ربنا يبارك فيك يارب
وعقبالك لما تجيب تقدير كبييييييييير
وامتيازات كلها عشان تتنطط علينا

nohamy يقول...

مبروك

Sarah el eskafy يقول...

الله يبارك فيك ياتهامى يارب
عقبالك
بس بتقديرات ان شاء الله
بلاش الخيبنة بتاعتى دى

ماشى الطريق يقول...

مبروك
:)

Sarah el eskafy يقول...

الله يبارك فيك يارب