٣.٢٥.٢٠٠٧

المصريين والخياال العلمى

منذ زمن ليس ببعيد كان الناس يعرفون ان المقصود بقصص الخيال العلمى هى حرب الكواكب وحروب الفضاء والسفر الى العوالم الاخرى و الافلام التى تدور و التخيلات الموضوعة من المؤلفين للعالم بعد مرور مئات الاعوام او من الممكن ان تتحدث قصص الخيال العلمى عن الكوارث الارضية والطبيعية والبيئية او الحالات المرضية النادرة و الشخصيات الخارقة مثل سوبر مان والرجل العنكبوت بالطبع كل هذه الامثلة لاتوجد الا فى العالم الغربى باستثناء بعض المحاولات الادبية المصرية مثل سلاسل الخيال العلمى المنتشرة فى الاسواق المصرية كل هذه الاشياء هى المعنى المتعارف عليه بين الناس لكنها اصبحت قديمة ومستهلكة رغم كل التطور الذى يحدث فيها على الاقل بالنسبة لى . واكتشفت ماهو الخيال العلمى الحقيقى عندما جاء بعض الاجانب لزيارة مصر وتمت بيننا بعض المناقشات فوجدت ان الشعب المصرى هو شعب من الخيال حقا ليس ذلك فقط بس انه اوجد العديد من انواع الخيال العلمى، فهناك قصص طوابير الحصول على طوابير العيش وفكرة اختراع غواصات لتعبر من بين ارجل الناس المتزاحمين امام افرن العيش للحصول على رغيف ومن المفترض ان تتحول هذه الفكرة الى فيلما سينيمائيا ضخما لولا عدم وجود فرن فاضى للتصوير فيه. وهناك قصص اسفلت الحكومة والزيارات الوزارية والرئاسية المفاجئة للمحافظات والهيئات التى تنتشر فى البلد كلها قبل موعد الزيارة باسبوعين او اكثر لاتخاذ الاذونات لصرف اسفلت الحكومة وللعلم فان انواع الاسفلت انواع مختلفة لكل منصب نوع خاص به وبمجرد انتهاء الزيارة المفاجئة ومشاهدة نظرات الدهشة والاستغراب على وجه المزورين يتم تسييح الزفت والاسفلت مرة اخرى لوضعه فى الخزانه لحين زيارة مفاجئة اخرى. كما ان القصص الخيالية للحصول على المعاشات او استخراج مستخرج رسمى من الهيئات الحكومية وعلاقتها بازمة السكر والشاى فى البلد فقد تم رفع تسعيرة السكر من اجل توفير سكر افضل للموظفين المجهدين المخلصين فى عملهم فهم لايستطيعوا امضاء ورقة عادية الا بعد شرب ما لايقل عن 17 كوب شاى و2 قهوة و6 حلبة و9 سحلب كلهم سكر زيادة – زيادة اوى- مما سبب الازمة اما الشاى فقد تصرفت المصانع فى توفير نشارة الخشب والملوخية الناشفة لتورفير شاى كافى. ولن تجد خيالا اكثر من ذلك حينا تكون المرتبات اقل بكثيرا من المصروفات الشخصية لاقل فرد وبالرغم من ذلك فالرضا والابتسامة لايفارقونه وغالبا الضحك الهستيرى من حنية قلب الدولة عليه لتوفير سرير خاص له فى مستشفى العباسية للامراض العقلية ، نظرا لضيق الوقت لن نتحدث عن الانواع الاخرى مثل قصص الحصول على الوظائف وقصص اشارات المرور وقصص تنظيم الاسرة وقصص الاخذ بالثأر وقصص الزواج السهل الميسر وقصص التلعيم الجيد وقرارات وزير التعليم وقصص الفواكه والخضروات الخالية من الكيماويات ...الخ الخ الخ ، لكن مختصر القول ان الانسان المصرى ماهو الا موسوعة متنقلة للخيال العلمى وفرصة لتنشيط السياحة لاننا اول من جدد افكار الخيال العلمى واول من يطور هذه الخيالات بسرعة الصاروخ اسرع من افلام هوليوود. سارة الاسكافى

هناك ١٧ تعليقًا:

محمد حمدي يقول...

بجد بوست هايل وأكتر من رائع يا سوسه

أنا نفسى أكتب ساخر بس حاله إكتئابى مش سامحه بأى شىء ساخر .. مش سامحه إنى أكتب أى حاجه أصلا

ربنا معانا

بجد ميرسى جدا على البوست والصورة الأكتر من رائعه .. سلام

heba يقول...

طول عمرنا عايشين في قصص الخيال دي يا سوسة لغاية ما اتعودنا عليها وهي غلط والمفروض تتصلح عشان كده اضطرينا نخلق عالم موازي "خيالي برده" حاطين فيه كل حاجة كويسة بس امتى هنبدأ نفكر نحققها .. مش عارفة

heba يقول...

بخصوص مساعدتك في البحث بتاعك أنا في الخدمة

Masry يقول...

لو كانت القبعة فوق رأسي لرفعتها اعجابا بالبوست . لكن هية دي مصر و الاعجب و الاغرب ان الناس مستمتعة باللي هية فيه او ربما حب توارث صورة الاب او الجد في المجتمع المصري او علي الاقل جزء منها هية اللي بتخلي مصر كدة يعني الابن عايز يكون شبة الاب في حين الاب مر بأحداث شكلت جواة مجموعة مشاعر و افكار انعكست علي صورتة و عمر ما الابن هيمر بيها و يمكن دة السبب الرئيسي لتوارث الهرجلة و عدم النظام و عدم احترام المجتمع و دة بيبان جدا لما الابن يبعد عن الاب و يسافر مثلا و يكون تفكيرة في هوة بشخصة و مستقبلة بينسي الصورة دي و بيبدأ يندمج مع المجتمع و يلتزم بأشياء عمرة ماكان ملتزم بيها في مصر . علي فكرة دي وجهة نظري الشخصية و الموضوع محتاج دراسة كبيرة من ناحية الموضوع .
اسلوبك في الكتابة رائع و ممكن اقول علية ساخر رزين او ساخر محترم .

Masry يقول...

تعليق انا علقتة في الفقاعة رقم 2

يا شرق فيك جو منور
و الفكر ظلام
و فيك حرارة يا خسارة
و برود اجسام
و تلتميت مليون زلمة
لكن اغنام
لا بالمسيح عرفوا مقامهم
ولا بالأسلام
هية الشموس بتخلي الروس
كدة اهو بتنجان

كلمات عمنا بيرم التونسي
بصي بقي يا ستي . المشاكل كتير و تناولها بالبحث و الدراسة واجب و فلسفة الاسباب اللي قادت المجتمع للمشاكل دي مهم . بس دة مجتمع يعني لا يتجزأ يعني لازم و انا بدرس التعليو ادرس الطبقات الاجتماعية و المستويات الثقافية و الاخلاقية للمدرس و خدي بالك ثقافية مش تعليمية و لاز مالمدرس يكون عارف يعني ايه حرية فكر .. كام واحد في مصر بيؤمن بحرية الفكر او العقيدة او حتي حرية الرأي . دا انا لو قلت انا اهلاوي وسط مجموعة زملكاوية هيقيموا علي الحد . لازم جو التعليم المناسب يدرس . الاماكن المناسبة . الضغط النفسي الواقع علي الطفل بسبب المسئولية عن واجبات . لو فضلت اعد هلاقي مليون حاجة في مجتمع اساسا مش عارف يعني ايه تفكير ولا ابداع. و بعد دة كلة نيجي بقي للتنفيذ و مش هتكلم فية لان انا واثق من الانطباع اللي بيوصل المواطن المصري من وقع كلمة تنفيذ علية . ده هوة نفسة مبيقدرش ينفذ لنفسة ابسط الامور الحياتية و بيفضل يسال و يستشير و يعمل حاجات غلط . انا مش متشائم و مش بقول ان البحث ملوش لازمة بس لازم يكون اكثر عمقا و شمولا .

شيماء الجيزى يقول...

بجد يا سوسا بوست رائع
اسلوبك فعلا جميل ...انا يعجبنى الاسلوب الساخر خاصة منك
الصورة رائعه
الحاجه
ام
الاختراع
او
الخيال
شكرا ليكِ

3aziz 3eni يقول...

احنا شعب مشهيتكرر تانى

Abd El Rahman Magdy يقول...

ده إيميلي... هاستنى منك الاستبيان:
abdoo_892005@hotmail.com

nour يقول...

فظيييييييعه
الخيال العلمى خلاص يا بنتى مبقاش خيال كل حاجة موجودة فى مصر
ده احنا فى ام الدنيا
انت فاكرة ام الدنيا دى شويه؟؟
تخيلى بقى ام الدنيا ده الاسم نفسه خيال علمى
:)))
تحياتى

Eric Matt يقول...


شكرا على البوست الجميل

فعلا في مصر خيالنا يطلق له العنان

هنا في أمريكا سهولة الحياة بتخلي حتى الخيال يتوقف

ربنا يصلح الحال يا رب

ادعيلي

تحياتي من ماناساس البلد

heba يقول...

my e-mail :
moonlight.calmnight@gmail.com

غير معرف يقول...

السلام عليكم
بجد موضوع هايل بفكرة جميلة وخاصة فكرة ان الانسان المصرى عبارة عن موسوعة متنقلة من الخيال العلمى

ننتظركم فى مدونتنا
ibnalazhar.maktoobblog.com

غير معرف يقول...

انا جي يا ست سوسة مخصوص علشان اقولك لو محتاجة لسه مساعدة او حاجة عن المدونات يمكن اقدر اساعدك لاني كنت مريت بتجارب البحث دي من فترة عموما ايميلي اهو demo3.ensan@yahoo.com

محمد حمدي يقول...

فى تاج مبعوتلك منى فى التدوينه دى

http://demaghy.blogspot.com/2007/03/blog-post_29.html

أو أسهل خشى على مدونتى وشوفيه هناك

www.demaghy.blogspot.com

ميرسى ليكى جدا وربنا ما يقطع صداقتنا

بيتنا القديم يقول...

الديكتاتور اللي بني الأهرامات

مكنش هيلاقي شعب مطاطي زي

شعبنا المصري

شعب صبور

لدرجة الخنوع

كنت عاوز اضحك زي الناس اللي علقت

قبلي بس آسف قرأت اللي بين السطور

تحياتي

ويجعلو عااااااااااااااااااامر

عمرو غريب يقول...

بجد حلو اوي موضوع المصرين والخيال العلمي والصورة اجمل واحب ان اشكرك علي التعليق الجميل وبالنسبة عن النادي الاهلي انا مستني اى اي مبارة تانية للاهلي في دوري ابطال افريقيا و اكتب عنها لان زي مانتي عارفة ان هذة البطولة قوية اوي ومؤهلة لكأس العالم للاندية وانا مش بكتب عن مباريات الاهلي في الدوري المصري لان الدوري المصري ضعيف اوي ومحسوم من زمان للاهلي اخوكي عمرو التهامي مدونة بيت الرياضة

Sarah el eskafy يقول...

شكرا لكل اللى ردوا
بجد ردودكوا ممتعة
واسفة على تاخيرى فى الرد عليكوا