4.14.2007

قعدت كتير اوى افكر اكتب ايه
ما انا مش هفضل مستكنة كده يعنى
ومش هخصص البلوج للمناسبات والتيجان اللى بتجيلى مش عارفة منين وبطنش
فكرت فى حاجات كتير اوى
بس الزهايمر عمل مفعوله واول مافتحت البلوج
اتبخروا للاسف
بس فى حاجة واحدة اللى مش عايزة تتبخر
مش عارفة هو سؤال
وللا رد فعل
وللا مبدا
وللا موقف
وللا ايه بالظبط
انا نفسى افهم ليه الناس دايما بتحب تظلم
انا مش مثالية للدرجة اللى ممكن اشوف الحياة لونها بمبى ولا الدنيا وردية والدنيا جميلة وهادية
بس ليه الظلم من غير سبب
لا وكمان الظالم بييجى ويعاتب
ممكن يخليه يقول كلام ماقالهوش او يحور فى الكلام ويغيره وييجى يعاتبه ويطلعه عند الناس كلها بيوقع
وبالرغم من ان الناس عارفة انه مظلوم برضه بتيجى عليه
والسبب...
ان الظالم ده هو اللى معاه
هو اللى بيديهم مع انهم مش محتاجين
بس يمكن عينهم فارغة او ده اكيد عينهم فارغة
طب لما انتوا اصلا مش محتاجين ليه مذلولين ليه وعايزين غيركوا يتذل ليه
وللا يمكن ده طبع
وللا نظام اللى نلحق ناخده منه
الطمع من زمان انا عارفة
بس واضح ان القناعة انتهت
بس لو انتهت من عند الناس كلها انا مش هتنتهى من عندى
ومش هتذل لحد
وهبقى نفسى
والحمد لله انا مش صغيرة ولا عبيطة ولا طايشة عشان اتهور واخد قرار متهور
اللى عايزنى اهلا بيه
واللى ماالزمهوش مايلزمنيش
والمعاملة بالمثل
وشكرا
****************
دى رسالة لحد يارب توصله
ويفهمها مايغيرش الكلام
الحمد لله الكلام موثق

هناك 8 تعليقات:

YHY يقول...

السلام عليكم
على فكرة انتى من اول الناس الى قابلت مدونتها وقرتها وتابعتها لحد ما دخلت للعالم السحرى ده
المهم مش مهم تكتبى ايه او يكون موضوع معين فى دماغك افتحى المدونة وقولى بسم الله الرحمن الرحيم وسيبى ايدك هى الى تكتب اى شىء يخطر ببالك هتلاقى الافكار والكلمات بتتسلسل لوحدها :]
انا قلت بس ارد عليك واحاول اخرجك من مود الظلم الى انتى بتحكى عنه لكن سيبك انت يا بخت من بات مظلوم ومبتش ظالم ههههههه
تحياتى لكى ولمدونتك العزيزة واتمنى منك زيارة قريبة لمدونتى المتواضعة

بنى أدم مع وقف التنفيذ يقول...

المشكلة الناس اللي بتظلم بتبقي مش عارفة انها بتظلم

حسام مراد يقول...

تصدقى ان فيه ناس بتتلذذ بالظلم ده
اعوذ بالله
ربنا على كل ظالم ومفترى
قولى آآميييييييين

sosa يقول...

يشرفنى يا يحى انى اكون من اول المدونين اللى تقرالهم
انا كده هاخد فى نفسى مقلب
بس موضوع الكتابة ده الزهايمر بيمحى اى حاجة بسرعة البرق ربنا يحميك منه
شكرا ليك اوى وان شاء الله فى القريب العاجل هزور مدونتك
بس اخلص من الشغل ده


تهامى
بيبقوا فاكرين انهم ضحايا برضه وده دفاع عن النفس
يمكن ليه لا


حسام
عندك حق:(

Mohamed Hamdy يقول...

الصراحه أنا قعدت أقرا الرساله كتير

بعد كدة أدركت إنها مش موجهه ليا

عشان كدة قلت يا واد متحطش تعليق بقا لأحسن تطلع الرساله ليك فى الأخر

عشان كدة أنا مش هحط تعليق يا سوسه ( الوش أبو سنه واقعه )

سلام

sosa يقول...

مشى يامحمد
عموما هى مش ليك
بس حلو الاموشن ده بيضايقنى انه مش هنا:(

اسماء عفيفى يقول...

المشكله ان انا كمان خايفه انها تكون موجهه ليه
بس انا هقلك كلمة فعلا يابخت من بات مظلوم ولا باتش ظالم
ويارب مكنش انا ياسوسه

sosa يقول...

مش انتى ياسمسم
اطمنى
ياعبيطة ماازعلش من اخواتى