رسالة من فقاعة
بلاقى هجوم عجيب عليا مش عارفة ليه
كل شوية الاقى حد يقولى انتى ازاى ما بتكتبيش عن الحدث السياسى اللى حصل فى غزة
او فى لبنان
او فى العراق
او الهجوم اللى حصل فى المنطقة الفلانية فى القاهرة
والمشكلة انه بيبقى هجوم
وبحس احيانا ان اللى بيكلمنى بيبقى نفسه ينط من الشاشة
يطلع يدينى قلمين ويرجع تانى
كده تقريبا هيرتاح والبلاد العربية تتوحد
وحقنا يرجع
ومحدش هينام من غير عشا
والكل هيقبض بالدولار
*****
طب انا عايزة افهم يعنى
هو انا خبيرة سياسية؟
حد قال انى سفيرة عن الوطن العربى؟
حد قال انى فاتحة جمعية خيرية لمتشردى الحرب؟
حد قال انى ماسكة قناه اخبارية بغطى فيها الاحداث السياسة؟
حد قال انى مقتنعة بحاجة اسمها مشكلة سياسية من اصله؟؟؟؟؟؟
*****************
احب اوضح ياحضرات اذا سمحتولى
انا اولا مش سياسية
مش خوف لان الحمد لله لما بحب اتكلم بتكلم
وكل اللى يعرفونى عارفين
لكن ببساطة شديدة
مش غيرى يغلط وانا اتحمل مسئولية غلطه
ثانيا
انا مش هتكلم على شئ ماشفتهوش
ومش هتكلم ولا هناقش ولا هشجب ولا هعترض الا على شئ شفته او كنت فى ارض الواقع على الاقل
زى ما حصل قبل كده فى موضوع جامعة المنوفية
ثالثا
انا اتعلمت مااعتمدش غير على اللى اشوفه بعينى واسمعه بودنى
وكل الى بييجى فى التليفزيونات والفضائيات
متمنتج اكيد حرصا على سلامة العلاقات الدبلوماسية بين الشعوب
رابعا
انا مش هغير شئ لو طلعتلى فتوى او فتوتين فى السياسة
ممكن اللى عايز تغطية سياسية يفتح التليفزيون عندهم ويسمع اللى هو عايزه
او يفتح اى جريدة ويقرا الخبر اللى يريحه
خامسا بقى
المدونة دى مفيهاش حاجة جد
هى محاولة للتنفيش عما بداخلى
يعنى تهييس
محدش يقولى سياااااااااااااااااااااااااااااااااااااااااااااااسة
هناك ١٧ تعليقًا:
كلام مظبوط ميه فى الميه
للناس الى زعلانين منك يا سوسه احب اقولهم ان المدونات اتعملت عشان الناس تكتب الى جواها مش تكتب احداث سياسيه
وبعدين التدوين وسط حر وكل الى فيه احرار انشاله حد يفتح مدونه عن الكلاب اللولو !
ربنا معاكى فى طريقك ايا كان يا سوسه والى مش عاجبه يعترض .. بس ميتخانقش
سلام
من حقك تكلمى فى اللى انتى عايزة .. عيشي حياتك و ابعدى عن عبث الاخريين
طيب انتي شفتي مسرحية اخويا هايص وانا لايص خلينا في الهيصة بس بردو السياسة زي الملح في كل طبخة داخلة
ابو المؤمن
picstalk
حديث الصور مدونة جديدة
مطرقعة
اوعي تفوتك
انظر حولك
د. خالد عزب
دا كلام صحيح تماما
ويارب تفضلي صامده ضد الهجوم العنيف ده
ربنا يويكي
mn 7a2ek ya bnty tktby fely t7beeeeh eh da !!!
el7amdoulelah ana lesa mt3rdtsh lel hegom da ya khoofy :D
عادى جدا على فكره انك متكلميش فى السياسه
انا كمان مدونتى بتعبر عن مزاجى الشخصى ومش بكتب فى الساسه مفيهاش مشكله يعنى
بس جايز يكون اللى بيقولك كده شخص بيثق فى اسلوبك وحاسس انك تقدرى تعبرى كويس عن اللى بيحصل فى البلد فعايز يفيد البلد بيكى
كنت عايز اخد رأيك فى اخر قصيده عندى
طب سياسة
(وش بيطلع لسانه)
محمد حمدى
صح ياباشا
اللى هيتخانق بع كده هرفع عليه قضية
تهامى
حاضر
ابو المؤمن
انا مش سياسية
ولا بحب السياسة
دى مش مادة مدرسية مفروضة عليا وهمتحن فيها اخر السنة
دى حياتى
دكترو
اوك
مبروك على المدونة
هنزورها باذن الله
اسكندرانى اوى
ميرسى على تاييدك
وان شاء الله هصمد
ده انا مواليد اعياد الثورة
لازم اكون قدها
بطوط
ربنا مايوريكى يابنتى
ان شاء الله مش هتشوفيه
حزين
ميرسى لكومنت
بس افتكر اسلوبى مايجيش سياسى قد ما ييجى جنائى
اصلى كان نفسى اطلع ظابط مباحث:))
هشوف اخر قصيدة من عينيا
رنا
اطلعى برى:@
it is not bad not to write or talk on politics, but the shame is not to care about it
politics is not something "the other guys" do, those other guys should be the normal ppl, i don't say we must be politicians all of us, but we must understand what is going around us
about the corrupt media, you can also deduce the truth if you don't keep your mind stuck with one source of info
إرسال تعليق