٧.٢٢.٢٠٠٧

ايه حكاية المترو

هو ايه اللى ممكن يحصل فى مترو الانفاق وانهى خط فيهم بالظبط انا عايزة اطمن على نفسويتى يعنى ماهو ماينفعش ما انزلش القاهرة بكرة او بعده بالكتير المفروض كنت انزل النهاردة وقلت خافى على نفسك يابت بيقولوا فى تفجيرات وبكرة عيد الثورة اللى هو عيد ميلادى ومش عارفة الارهابيين هيحتفلوا بعيد ميلادى السنة دى ازاى المرة اللى فاتت كانت فى شرم المرة دى هتبقى فين بالظبط ياخووووووووووووووفى يابدران يعملوها وانا فى المترو الواحد مقلق مش معقول يعنى احتفل بعيد ميلادى بقنابل مش بشموع زى البنى ادمين *** نـــــــــــــــــــــــــــــــداء منى الى الارهابيين اللى عاييزن يفجروا المترو بلاش يوم عيد ميلادى وبلاش وانا فى المترو اشمعنى يعنى عيد الثورة ده حتى بقى يوم مفقوس ومكشوف اوى اختاروا يوم غيره حتى علشان ماتتعبوش فى الحزام الامنى اللى بيتفرض عشان انا ماشية فى الشارع مش هيسيبكوا فى حالكوا انا بحذركوا بــــــــــــــــــــــلاش انا بلاش بكرة انسونى سنة واحدة عايزة احتفل بعيد ميلادى ياناس وسط اهلى كده كتير مش هيبقى معتقل فى البيت كمان يوم عيد ميلادى ماهو لازم اركب المترو والخطين يابشر

هناك ٣ تعليقات:

صبري سراج يقول...

�� �� ����� ���� ������� ���������� ������ �������

غير معرف يقول...

يا عيني يا سوستي
معلش يا بنتي بس متقلقيش ان شاء الله خير
كل سنة وانت طيبة
وان شاء الله تقضيه بالشموع مش الدموع

Sarah el eskafy يقول...

صبرى
معلش
كلنا لها
***********
رنرونتى
وانتى طيبة يارنرونتى يارب
ربنا يستر