١٢.٠٤.٢٠٠٧

حبة كده على ما قسم

انا على فكرة عمرى ما حبيت قعدة البيت رغم انى بيتوتية دية وبموت فى قعدة البيت عارفة انكوا هتقولوا ايه الهبل ده بس عادى انا متعودى على كده ومع انى مش بحب الوحدة بس بحب ابقى لوحدى جنان مش كده لانى بالرغم من انى كسولة جدا فانا بحب الشغل جدا جدا طبعا هتقولوا ايه العبط ده بس برضه مش هرد عليكوا عشان انا بالرغم من انى بمل بسرعة جدا وبحب التغيير مش بحب حاجة بعملها تمشى فى ترتيب او فى خطة غير اللى مرسومالها منى او من غيرى بدل مقتنعة طبعا هتقولوا ان دور البرد اللى جالها ودمرلها حنجرتها كل دماغها تفتكروا كده..؟

هناك ٥ تعليقات:

•«ρяoιd»•™ يقول...

جوه منا متناقضات كتير قوي

و ده عادي يعني دي طبيعة النفس البشريه

انتي بس اشربي اي حاجه ساقعه

و إن شاء الله كل ده يتحل

هع هع هع

لاء اللي بجد بقي

شخبطي

ارسمي

لوني

احلمي

اقفي في النص

علي اليمين او الشمال

المهم انك سوسا في الآخر

تحياتي المعطره بالحب

غير معرف يقول...

I LIKE IT A LOT

Mohamed Hamdy يقول...

وأنا حزين جدا سعيد

قريب جدا بعيد

والبرتقان حادق اوى مسكر

والجو صافى بس متعكر

عاشق الرومنسية يقول...

هههههههههههه
احلى ما فى الكون التناقد

بجد شئ جميل

لازم يبقا فى الحلو والوحش ولازم يكون فى الخير والشر
لان لو كان كلة حاجة واحدة مكنش تبقى حياة جميلة كانت تبقى حياة مملة

بوست هايل

وتحياتى لكى

ويارت تشرفينى انا رجعت تانى لعالم التدوين

شريف والحب

sara يقول...

عندك حق جدا ز. وانا كمان زيك كده ايه الحل بقى