حبة كده على ما قسم
انا على فكرة عمرى ما حبيت قعدة البيت رغم انى بيتوتية دية وبموت فى قعدة البيت عارفة انكوا هتقولوا ايه الهبل ده بس عادى انا متعودى على كده
ومع انى مش بحب الوحدة بس بحب ابقى لوحدى جنان مش كده
لانى بالرغم من انى كسولة جدا فانا بحب الشغل جدا جدا طبعا هتقولوا ايه العبط ده بس برضه مش هرد عليكوا
عشان انا بالرغم من انى بمل بسرعة جدا وبحب التغيير مش بحب حاجة بعملها تمشى فى ترتيب او فى خطة غير اللى مرسومالها منى او من غيرى بدل مقتنعة
طبعا هتقولوا ان دور البرد اللى جالها ودمرلها حنجرتها كل دماغها
تفتكروا كده..؟
هناك ٤ تعليقات:
جوه منا متناقضات كتير قوي
و ده عادي يعني دي طبيعة النفس البشريه
انتي بس اشربي اي حاجه ساقعه
و إن شاء الله كل ده يتحل
هع هع هع
لاء اللي بجد بقي
شخبطي
ارسمي
لوني
احلمي
اقفي في النص
علي اليمين او الشمال
المهم انك سوسا في الآخر
تحياتي المعطره بالحب
I LIKE IT A LOT
وأنا حزين جدا سعيد
قريب جدا بعيد
والبرتقان حادق اوى مسكر
والجو صافى بس متعكر
عندك حق جدا ز. وانا كمان زيك كده ايه الحل بقى
إرسال تعليق