٢.٢٣.٢٠٠٨

راحت عليكى ياطوابير

كل المصريين اشتكوا من طوابير العيش والصحافة والاعلام ومجالس النميمة كلها ناشدت الحكومة انهم يلاقوا الحل اخيرا الحكومة اتصرفت لغت العيش خالص عشان الناس ترتاح ونــعـــــــــــــــــــــم الحكومات طب الناس تصحى من الفجر بعد كده ازاى الساعة البيولوجية بتاعتهم هتبوظ وصحتهم هتتدهور عشان هيتعودوا على الكسل بدل ما كانوا بيصحوا من 4 الفجر يقفوا ادام الفرن لحد الساعة 9 ويتأخروا على الشغل ويتخصملهم يوم ويوفروا للدولة هيتاخروا على ما يصحوا وهيروحوا اشغالهم فى معادهم وهيخلوا الدولة تدفع المرتبات كاملة طب ده يرضى ميييييييييييين بس وعلى راى الست مارى انطوانيت ربنا يفشفش الطوبة اللى تحت راسها بدل مفيش عيش كلوا بسكوت ولا اقولكوا كلوا كوسة

هناك ١٢ تعليقًا:

AHMED SAMIR يقول...

لا لا لا
الكوسة اعتقد انها هتغلى الفترة اللي جاية
هو حد لاقيها يا راجل؟
دة الواحد رجليه بتحفى على مايلاقي كوساية واحدة

خمسة فضفضة يقول...

السلام عليكمورحمة الله وبركاته

حلوة فكرة الكوسة دي

وبعدكده نلاقي كوابير علي الكوسه تقوم الحكومه تلغيها هي كمان
وبكده نكون ناهينا الكوسه من البلد

اما فكره بنت لذينا

مجرد إنسان يقول...

أنا ليه بقيت زى الجميع ما تهزنيش كلمة وطن
ما بقيتش أشعر بالأمان ما بقتش فيه حالة شجن
أصل الوطن مش طوب و طين و مية جارية فى الترع
كلمة وطن كانت زمان كانت أمان كانت سكن

كانت مشاعر فى الشوارع فى الغيطان بين الجيران
كانت سواعد فى النهار بتضم بالحب العيدان
كانت عيون سهرانة صاحية ع الحدود رغم البعاد
كانت زغاريد الصبايا والبنات عند الفرح كانت أدان

غير معرف يقول...
أزال أحد مشرفي المدونة هذا التعليق.
غير معرف يقول...

مارى انطوانيت قالت بدل العيش ياكلوا جاتو

ياريته بسكويت

بس بعد كده الواحد ولا هياكل عيش ولا بسكويت ولا حتى كوسهولا فول

هياكل صوابعه لان كل حاجه بقيت غاليه

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
Sarah el eskafy يقول...

A.SAMIR

ماهو الحق وحوش لك كوستين بقى
اهه يمكن ربنا يكرمك ولما تروح تخطب تقول لحمالك عندى شقة اوضتين وصالة و2 كيلو كوسة

Sarah el eskafy يقول...

فضفضة
هو ده احسن سلوب الخروج من المشكلات
بموت فى دماغك

Sarah el eskafy يقول...

مجرد انسان

كلام جامد جدا
بس الرد على كلمة ليه دى
ان خلاص الناس كلها اتزنقت فى عنق الزجاجة والزجاجة اوشكت على الفرقعة
بس يارب ما حدش يتعور منها فى الاخر

Sarah el eskafy يقول...

Anonymous

لا دى ست مارى الله يرحمها شعبها كان وصل لمرحلة اكل التراب
احنا بقى وعشان خاطر فرق التوقيت
هنستورد التراب عشان يكفى حاجة الشعب المصرى
كل واحد يحافظ على التراب اللى فى بيتهم
بلا تنفيض بلا كلام فارغ

بنت مصريه يقول...

والله احنا شعب عبيط قوى حكايه البسكويت دى كانت غايبه عننا فين
بس فيه مشكله
نجيبو بجوز الهند ولا بالشيكولاته
مدونتك حلوه احييكى واتمنى تنورى مدونتى