٣.٢٨.٢٠٠٩

انا اتسرقـــــــــــــــــــــــــت

شفتوا المهزلة والخيبة اللى الحرامى فيها ال ايه انا اتنشل على اخر الزمن اتنشل  وفى المترو وفى عربية السيدات وفى خط المرج حلوان منها لله هتمرمطنى فى الاقسام وفى السجق المدنى رايح جاى عشان اطلع بطاقة جديدة كانت خدت الفلوس وسابت البطاقة طيب لا الفالحة راحت سرقت المحفظة اللى فيها البطاقة وسابت الفلوس كلها وموبايل n95  مستعيراه كام يوم خااااااااااااااايبة شكلها لسة داخلة الكار جديد يلا اهى امها داعية عليها تشبع بالبطاقة بقى دول حتى كانوا كاتبين الوظيفة غلط بس برضه اله يشيل ويحط عليها اله اشوفها متعلقة فى ميدان التحرير فى رمضان وصايمة وفى شمس شهر 8 ومحدش معبرها وفى وقت الفطار الناس كلها بتفطر فى كنتاكى وهارديز ادامها وهى جعانة مش لاقية عضمة تهبهب عليها ولا المترو وهى نازلة منه ب5 محافظ يشنكلها فى بابه يفرمها والمحافظ تطلع سليمة وتتعرف ان دى الحرامياية ولا هو فالح يفرم الغلابة بس محدش يعرفلى واسطة يخلصلى موضوع البطاقة دة عشان انا اعصابى مش مستحملة اقسام وخناق مع العساكر والظباط تنتهى بيومين ع البورش ويكسب فيا ثواب؟ نهايته ربنا يسامحها بقى

هناك ٧ تعليقات:

Unknown يقول...

تعيشي و تاخدي غيرها
بعد كده ابقي اقفلي شنطتك بقفل و خلي المفتاح حوالين رقبتك !!!
السرقة علي ودنه اليومين دووووول

SAMEH يقول...

LOL :D
معلش المهم انتى بخير فداكي وان شاء الله تلاقي واسطه تطلعى البطاقه

غير معرف يقول...

ليه بقى انتى بتكلمى بصفة ولد ليه وعلى العموم ماحدش يعرف اللى فيه الخير

amr elsharqawy يقول...

معلش يساسو تعيشى وتتسرقى ياختى
انا اعرف وسطه ممكن يطلعلك البطاقه
عسكرى قد الدنيا لسه داخل الجيش

مجرد مدونة يقول...

اممم الحرامية ما عادوش زى زمان

max.adams يقول...

معلشي بقى

أمال أنا أعمل ايه ...

في النادي و بتمرن
تقوم الفانلة تتسرق باللي فيها ..
خدي عنك
( المفاتيح ، النظارة ، الفلاشة ، المحفظة ، البطاقة ، رخصة القيادة ، محمول N72
، 65 جنيه )
قولي الحمد لله ... البطاقة أمرها سهل
بس الحق أنا استفدت ... اتصورت صوره أحلى للرخصة ، و كتبت اسم الكلية في البطاقة
طالب بكلية الهندسة جامعة المنصورة
و أدخل الجامعة بالبطاقة ^_^

و غيرت كالون البيت ، و جبت نظارة جديدة ، و الطقم اللي كان بيتفصل استلمته بعدها بشهر ...... ههههههه

سعيد بمروري في هذا المكان ( الفرايحي )

زيئبق يقول...

عدي ليكي واحد واحد ايه كده من الاخر حرفي بجد
بجد
يضربلك واحده بس ايه اصلي اااصلللللللي ايوه الله ينور عليك وانته بتفنجلي كده وكلها ايه صوره وهوه هيصدقك في الي هتقولي بالنسبه للوظيف والنوع والحاله الاحتجاجيه(مع ام ضد مبارك) وطبعاانتي عرفه دي كلها شكليات وحكوميتنا (سابقا) كانت حشريه شويه وطباعه هوه بس هياخد 50 جندارخص من 100 وفوري كمان في البطاقه ولو تحمي يعملك خصم ع البسبور والرخصه كمان وكله من مكان واحد ده طبعا لتوفير امن وسلامه وسلاسه المعاملات بالنسبه للمواطن المصري
****************
وتبقه امك دعيالك لو لحقتي خصم عيد الام (رقم قومي ,شهادوفاه/ميلاد, بسبور بحري /جوي) والسعر مفجأه .....
تحياتي