٢.٢١.٢٠٠٧

الحداد فى الاعلام المصرى

ذات مرة كنت اجلس بجانب الريموت كنترول الخاص بجهاز التليفزيون الذى لم احاول الاقتراب منه منذ فترة كبيرة حتى اقتربت ان انسى شاشته الفضية حيث نصحنى الدكتور منذ شهر ان امتنع عن مشاهدته حفاظا على ضغط الدم والقاولون العصبى بعد تدهور حالتهم اثر مشاهدتى لبعض الكليبات والبرامج الحديثة. اخذت الريموت وقمت بفتح التليفزيون وبعد تقليب بعض القنوات فيها رأيت مذيعة فى احدى القنوات الارضية ترتدى ملابسا سوداء ضيقة بها تحتوى على ازرارا واشياء لامعة مع مكياج كامل بالوان صارخة ظننت ان اليوم هو احد الاعياد القومية والقناة تحتفل به الا اننى قد فوجئت بالخبر الذى تذيعه وهى تنظرالى الكاميرا بنظرة حزن عميقة جدا... اعزائى المشاهدين..يؤسفنا ان نخبركم بأنه قد انتقل الى رحمة الله تعالى الملك المعظم المبجل اللى مفيش زيه –تسقط دمعة عفوية جدااااااااا من المذيعة- الملك الذى لم يقهر من ولم يتنحنح ولم تستطيع اى ثورات ان تقيله من منصبه- وتسقط دمعة اخرى- ملك دولة خسرونيان الشقيقة – تدخل المذيعة فى وصلة بكاء وشحتفة- وسيشيع جثمانه الطاهر من الزاوية التى تقع تحت منزله القديم الى مقابر الفقراء اليوم قبل اذان المغرب حتى يلحق المشيعون دفنه والصلاة عليه مع صلاة المغرب اقتداء بالراحل المغفور له صاحب مدرسة "لا تضيع وقتك فى الهباءات"-تدخل المذيعة فى وصلة شحتفة اخرى من اجل زيادة الاجر-والشعب المصرى ينعى الشعب الخسرونيانى فى وفاة ملكه ويدعى له بالصبر والسلوان على ما ابتلاه الله من انشقاقات فى الاسرة الحاكمة واولياء العهد ال6 لمعرفة من الاحق بالسلطة ومشكلة تقسيم الورث... انتهى الخبر يدخل فاصل اعلانى بسيط مدته 44 دقيقة وتاتى نفس المذيعة بابتسامة واسعة وبانشكاح غير مسبوق لتقول.. والان مشاهدينا الاعزاء تشاهدون برنامج (اغانى وكليبات) للاتصال والمشاركة يرجى الاتصال على رقم 9999 من اى موبايل و09999999 من اى تليفون ارضى لمشاهدة ماتطلبون من احدث الاغانى والكليبات ...وتنهى الخبر بنفس الابتسامة العريضة. ولم ادرى بالدنيا من حولى ثانية الا وانا فى المستشفى واهلى من حولى يحمدون الله على نجاتى من انفجار قاولونى المفاجئ . سارة الاسكافى

هناك ٨ تعليقات:

nohamy يقول...

انتى غلطانة .. حد يتفرج على الاعلام المصري

Sarah el eskafy يقول...

والله كان بالصدفة
كنت خفت انسى شكل التليفزيون
بس خلاص حرمت

shabfa2re يقول...

الف سلامة عليكى يا سوسة

Sarah el eskafy يقول...

الله يسلمك
بس الحمد لله جت سليمة

غير معرف يقول...

عيني عليكي يا سوستي
معلش بقى حصل خير

كلمة ملهاش دعوة بالموضوع
سارة عارفة لو ملغيتيش الاختبار بتاع الحروف اللي قبل الردود ده يمكن تصحي متلاقيش نفسك(أيموشن وشه أحمر ومتنرفز)

Sarah el eskafy يقول...

خلاص رجعت سليمة وعل قلبكوا

انتى اللى مش بتردى باشتراك البلوجر عشان كده بيطلعلك الاختبار ده
وبعدين لو مش عارفة تعمليه البسى النضارة(وش بيطلع لسانه)

طهقان يقول...

الريموت علينا حق

Sarah el eskafy يقول...

فعلا والله ليك حق