٤.٠٨.٢٠٠٧

كل شم نسيم وانتوا طيبين وكل فسيخة وانتوا واكلين وكل رنجاية وانتوا متهنيين وكل بصلاية وانتوا منعنشين وكل لمونة وانتوا فرحانين اتصرفوا بقى الريحة قلبت البلوج كده حد يجيب معطر جو

هناك ٣١ تعليقًا:

محمد حمدي يقول...

كويس إنى أول واحد يسيب كومنت

كل سنه وإنتى طيبه يا أظرف سوسه فى الفضاء البلوجرى

Reemo يقول...

كل سنه وانتى طيبه يا قمر
وعيد ربيع سعيد عليكى :)

محمد عـنـانـى يقول...

انتى بتدعى علينا
فعلا انا اول ما دخلت شمت الريحه
ههههههههههه
تحياتى

غير معرف يقول...

كل سنة وانت طيبة
وعلى فكرة انا حملت الاستبيان
وعجبني جدا
اسلوب استقصائي حلو


بس

ممكن نعرف ايه الفائدة منه؟

Sarah el eskafy يقول...

يووووووووووووووووه
رديت والرد كله ماوصلش بسبب الشبكة العنكبوتية اللى عندى
حسبى الله ونعم الوكيل فيها


فاصل ونواصل

Sarah el eskafy يقول...

وانت طيب يااحلى دماغ فى البلوجرز كلهم
يللا بقى انا عايزة العيدية:))


ريمو حبيبتى
وانتى طيبة ياقمر
انا عايزة بقى ديزاين لفستان يناسب المرحلة الخطيرة اللى احنا فيها دى
طبعا مش محتاجة اقولك ان المواد متوافرة فى كل الاماكن
عشان ان شاء الله بفكر فى المستقبل نعمل حفلات بلوجرية ضخمة وتكونى انتى الاستايلست بتاعتها
:))



العنانى
فين اللى بدعى عليكوا ده
انت بتستغل زهايمرى وبتضحك عليا
والله خضيتنى خلتنى اقرى اللى كتبته 3 مرات علشان اشوف الدعوة دى فين:))

بس ايه رايك فى الحركة الجامدة دى
دى اسهل وسيلة لانى اطلب ازازة برفان هدية للبلوج علشان اللى هيجيب معطر جو هيبقى بخيل اوى
بس مفتكرش هكسفه برضه
قنوعة مش كده:)))



اكتب بالرصاص
كلسنة وانت طيب
بجد انت الوحيد اللى بليت ريقى وحسستنى انى انفع باحثة
بص ياسيدى
الاستبيان ده جزء مهم فى بحث بعمله عن المدونات والمدونين
وعلشان يكمل واطلع بنتيجة كويسة لام يكون معايا راى 100 مدون
طبعا انا مجبتش ال100 مدون بس هجيبهم ان شاء الله
هو انا هغلب يعنى
ده غير ان الاستبيان ده نتايجه هتنفعنا فى حاجات كتير
لان فى مشروعات كتير جدا ان شاء الله هتتعمل وتكون خاصة بالمدونين
والاهم بقى ان البحث ده وصل لاكتر من دكتور فى اكتر من جامعة ومستنيين النتيجة
والموضوع كبر وربنا يستر ومااتعلقش على باب جامعة القاهرة يوم الجمعة قبل صلاة المغرب
ومستنية ردك بقى عشان اكيد صعبت عليك بعد كل ده

•«ρяoιd»•™ يقول...

لاء لاء لاء

ايه البصل ده كله

حرام عليكي يا شيخه

انا اول ما دخلت عنيا حرقتني و الدموع نزلت لوحديها

هو اه عيد شم البصل

بس مش كده يعني

هههههههههههههههههههههههههههههههه

كل سنه و انتي طيبه يا ساره

يا جماعه ساره حد حلو قوي و طيب قوي و دمها زي السكر

و بتخدم اي حد بجد

ربنا يحميها و يحفظها يا رب

و يوفقها في ال 9 مشاريع تخرج اللي عندها يا رب

تحياتي

Sarah el eskafy يقول...

بعيدا عن الكلمتين اللى فى الاخر دول عشان احرجونى واخجلونى وانا انسانة خجولة اصلا

فبلاش حقد وللا عشان انتوا معندكوش بصل يعنى جاى تتريق على البصل بتاعنا

heba يقول...

وانتي طيبة يا سارة
البصل اللي انت حطاها فتح شهيتي خالص وبما ان البلوج كده كده ريحته مقلوبة فانا هجيب الرنجة بتاعتي واجي اكل عندك هنا بس متخافيش معاي ازازة برفان ريحتها انما ايه

بصصصصصصل
سلام يا جميل وربنا يوفقك ومبروك على نجاح الندوة ويارب تكملي الـ 100 استبيان

سلام يا جميل

Sarah el eskafy يقول...

هو ايه ده بقى
الكل طمعان فى البصل بتاعى كده ليه
وللاعشان احلى من بصلكوا يعنى
بس يا شمس بدل فيها ازازة برفان بريحة البصل فانا موافقة
بس بلاش رنجة مش بحبها
هاتى ملوحة


بس بتفكرينى ليه بال100 استبيان
ما انا قاعدة وعاملة نفسى مش واخدة بالى
ربنا يستر عشان جمعية المكتبات والمعلومات هى اللى هتعلقنى ان شاء الله

nohamy يقول...

كل سنة وانتى طيبة

Sarah el eskafy يقول...

وانت طيب ياتهامى
مش عايز بصل انت كمان

حسام مراد يقول...

كل سنه وانت طيبه
حلو اوى جو الفسيخ والبصل اللى انتى معيشه فيه الناس ده
انا جبت المعطر حد يجى ياخده

الربان يقول...

تحياتي و كل عام و انتي و الجميع بألف خير و سلام...
الحقيقة صورة البصل الاخضر جميلة و تفتح النفس..

البوست خفيف و ظريف.... و هذا خفف شوية من الروائح الفسيخية و الرنجوية التي تهب ...

اقولكم... بوست يفوت و لا حد يموت...هههه
كل عام و انتم طيبين

micheal يقول...

كل شم نسيم و أنتي طيبه بس من غير فسيخ عشان مش بطيق ريحته
تحياتي لكي

yasmina يقول...

كل سنة وانتي طيبة يا سارة
انا بقيت احبك من كلام محمد حمدي عنك باين انت عسل

Unknown يقول...

كل سنة وانت طيبه.
وفعلا الريحه بقت صعبه أوي ((:
بالنسبه للاستقصاء أنا موافقه اني أشترك فيه, أعمل ايه بعد كده.

غير معرف يقول...

افففففففف


مش بحب الحاجات دي خالص
مش عارف بياكلوها إزاي

كل سنة وانت طيبة

daktara يقول...

كل فسيخ قصدي كل نسيم وانت طيبة
الصورة جميلة جدا
تحياتي
د. خالد عزب

غير معرف يقول...

انا حملت الاستبيان ومش بيفتح خالص
ياريت تعرفى ايه السبب
وشكراااااااااا

Sarah el eskafy يقول...

حسام
هات المعطر
انا بقالى سنين مستنية اللحظة دى

الربان
شكشك انت كمان عايز البصل بتاعى
انا ممكن اعمله مشروع واصدره للمدونات الاخرى بعد كده


مايكل
وانت طيب
بس انا جبت بصل بس
ماجبتش فسيخ


ياسمينة
وانتى طيبة ياقمر والله انتى اللى عسل
بس بلاش تسمعى كلام محمد حمدى كتير عشان بيبالغ اوى اوى


اسراء
وانتى طيبة ياجميل
شوفى انتى ممكن تضيفينى ع الميلوانااشرحلك
يااما تحملى الاستبيان من اليمين



هيما
طب بالراحة خلاص
انتمحسسنى انى جبت فسيخ وبصل والريحة قالبة البلوج بجد
خلاص البوست الجاى هجيب بوكيه ورد وفل
يمكن نغير الجو ده


د. خالد
شكرا على تشريفك المدونة
وان كان ع البصل انا هبقى اعمل لحضتك نسبة فى الارباح شم النسيم الجاى انشاء الله


محمود
ياريت بقى تضيفنى افضل بدل مش راضى يفتح عندك

ibn nasser - ابن ناصر يقول...

كل سنه وانتي طيبه ...تحياتي

Sarah el eskafy يقول...

وانت طيب

عمرو غريب يقول...

اتمني ان المسلمين يكونو مش بيحتفلو بهذا العيد لانة حرام ومن الغلط ان نقول لاي حد مسلم كل سنة وانت طيب لان هذا العيد للاخوة النصارة فقط ولكن تقولي اية علي مجتمعنا اخوكي في الله عمرو

عمرو غريب يقول...

اتمني ان المسلمين يكونو مش بيحتفلو بهذا العيد لانة حرام ومن الغلط ان نقول لاي حد مسلم كل سنة وانت طيب لان هذا العيد للاخوة النصارة فقط ولكن تقولي اية علي مجتمعنا اخوكي في الله عمرو

Sarah el eskafy يقول...

والله ياعمرو انا معاك فى رايك
بس انا مش بتكلم عن شم النسيم كعيد من اعيادى
انا اللى خلانى انزل فيه بوست حاجتين
اولا انه اجازة ومش بشوف الحاجات دى كتير:)
ثانيا بقى
انى بتلكك عشان ابقى مبسوطة شوية
احنا فى مرحلو تدع الى الانبساط
فانبط:)

R.R يقول...

:)
تصورى ماما نسيت تجيب بصل اخضر وقضيتها من غير بصل اخضر
:(

كل رنجه وانتى طيبه يا ستى

غير معرف يقول...

السلام عليكم
وصلت الرسالة...وهذا إيميلي إن احتجت لأية مساعدة
massin001@hotmail.com

admelmasry يقول...

كل سنه وانتي طيبة

عمرو غريب يقول...

انا بصراحة يا سوسة كنت داخل اشوف اية الموضع الجديد ال انتة كتابتة بس ملااتش موضوع فقلت ادخل علي التعليقات واشوف ردك علي تعليقي وبصراحة فرحت ان وجدت واحدة متفقة معايا في هذا الرائي

Sarah el eskafy يقول...

R.R
تصدقى والله الحال من بعضه
احنا برضه نسنا نجيب بصل عشان كده كلنا حمام:)

وانتى فسيخة ياجميل


Maserino
شكرا لاهتمامك
ارسلتلك الاستبيان
مستنية الرد


عمرو
والله بقالى كتير نفسى انزل حاجة جديدة
بس انت عارف الكلية بقى
ادعيلى افضى شوية