5.30.2007

حد يلحقنى بقى عشان هتجنن بجد
انا هفهمكوا الموضوع
اصل امبارح قلت ادخل انام كده على الساعة 8 ونص بالليل
قلت عشان اعرف اصحى بدرى عشان الامتحان
فلما جيت انام طبعا ماينفعش انام بسهولة
ولازم الواحد يراجع نفسه برضه ويحاسب نفسه عمل ايه فى حياته
انا بقى قعدت استرجع شريط حياتى
وذكريات 21 سنة الا شهرونص
فجأة كده بصيت لقيت الساعة 8 الصبح
كل ده وانا عمالة استرجع شريط حياتى ومانمتش
قلت مش مشكلة ابقى اعوضها فى لجنة الامتحان
بس جت فى دماغى سؤال غريب يعنى
هو ليه مفيش ستات بتشتغل فى محلات الدهب
اصل انا مش من النوع اللى بيتعامل مع حد معين فى شرا الدهب
اولا لانى مبقتش احب الدهب
ثانيا وسبب للسبب الاول انى مش بلاقى مقاسى بسهولة
(انتوا عارفين بقى من تخنى مش بعرف الاقى المقاسات)
وخدت بالى بقى ان كل محلات الدهب اللى شفتها فى الوجه القاهرى والوجه المنوفى مافيهمش واحدة بنت او ست بتقف
انا عايزة اعرف ليه ودلوقتى حالا بليز
(مع انى حاسة ان الردود هيبقى فيها ردود مهينة للستات علشان ضعفهم ادام اىحاة لونها اصفر بتلمع
وحاليا ادام اى حاجة بتلمع والسلام بس انا برضه مستنية اسباب)
ودمتم
ادعولى بقى عشان عندى امتحان كمان كام ساعة بالمرة يعنى

هناك 21 تعليقًا:

REEMOO يقول...

تصدقى عمرى ما فكرت فى الموضوع ده يا سوسا
عمرى ما خدت بالى أصلا
بس أكيد مش ضعف المرأ ه قدام الدهب هو السبب
لأان برده الم{اه ضعيفه قدام الموضوه والاكسسوارات والشوبينج
ومع ذلك ستات كتير بتشتغل فى محلات الملابس والاكسسوارات وكل أنواع الشوبينج
بجد مش عارفه ايه السبب
بس ممكن لانها بدأت كحرفه رجاليه واستمرت كده لان مفيش ستات جربو يشتغلو فى الحرفه دى
الستات اكتفت بالشراء وبس :)))

تحياتى

•«ρяoιd»•™ يقول...

بسم الله الرحمن الرحيم

الأجابه تونس

هههههههههههههههههههههههههه

لاء لاء

دي مش هنا

اه الأجابه

عشان لو واحده بنت اشتغلت في محل دهب

هتلبس كل اللي فيه

و مش هتتنازل ابداً عن انها كل يوم تفضل تلبس في كل شويه حبه

ب اللي بجد بقي

انا مفيش اجابه منطقيه

معروف ان البنات ذوقهم حلو قوي في المشغولات الذهبيه

و انهم يقدروا يصمموا حاجات حلوه قوي

بس علي ما اعتقد

ان البنات فعلا بيصمموا المشغولات الذهبيه

بس اللي بيصنعها الراجل عشان الحراره و كده يعني

انما ليه بقي مش بتبقي هي اللي بتبيع

فمفيش اجابه منطقيه

هي الأجابه اللي قولتها في الأول ممكن تكون صح و بس

ههههههههههههههههههههه

تحياتي

sosa يقول...

ريمو
منورانى ياقمر
ميرسى لرايك
بس كنت بقول ضعفها ادام الدهب ده هيبقى راى معظم الجنس الخشن
لما نشوف راي الباقى ده ان حد عبرنى

sosa يقول...

ماشى يارامى
اللى توقعته لقيته
بس المفروض ان الستات هى اللى تبيع الدهب
عشان اسباب كتير هقولها بعدين
اول ما ترجع من تونس ان شاء الله

عمرو غريب يقول...

ربنا معاكي في الامتحان وبعدين حرام عليكي كل دة ذكريات من 8 بليل الي 8 الصبح هههههههه وبالنسبة لموضوع السيدات في محلات الذهب انا شايف ان لو بقي الستات تجار ذهب تجارة الذهب سوف تنتعش لان من المفروض ان الرجالة مايشتغلوش تجار ذهب لانها في وجة نظري انة شغلنا حريمي ,والف مبروك ليكي فوز الاهلي بالدوري

معاق مصر يقول...

العزيزة سوسا اولا ربنا يوفقك في الامتحان ... ثانيا الموضوع في غاية البساطه الست متنفعش تبيع ذهب ليه بقي ؟ اقول لك وامري لله لان الراجل بيعرف يجامل. الست ممكن تلبس حاجه ويقول لها الله جميلة والست طبعا تحب المجاملات جدا وتحب تسمع الكلام الحلو من الراجل . لكن بقي الست مش هتصدق الست لما تقول لها الله ده هايل عليكي ... هي كده ولا انتي عندك تفسير تاني .. ونامي بقي علشان الامتحانات.
nagdawai@maktoob.com

YHYيــوســف الـمصـرى يقول...

انا عارف محل ذهب الى شغالة قيه ست
لو عايزة العنوان ابعتهولك ههههه
!!!!!!!
تحياتى

mesh2dra يقول...

السلام عليكم

فعلا مش عارفة
غريب السؤال بس جميل

بس عادي يعني
مش حتبقى حاجة غريبة لو لقيت ست بتشتغل في المجال ده


ها.. عملتي ايه في الامتحان؟

سؤال بس
عشان انا بشبه على الاسم
انتى اعلام القاهرة ولا ..؟

سلاماتي
:)

شريف يقول...

فعلا انا عمرى مشفت واحدة فى محل دهب
بس ممكن لاسببن
اولهما لان الستات عنيها زايغة دايما على الدهب
وبتحب المظاهر
فلو كان عندها محل دهب ممكن تلبسة كلة لمجرد المنظرة
وفية ناسى تانى تخاف من الحسد وبتاخف من السرقة فعلاشان كدة مبيحبوش ستات فى المحل
ودة من وجهة نظرى
بس بوست فى الجول
محدش خطر على بالة الموضوع دة

mohamed يقول...

ياستى انا فى مره كان عندى امتحان وحاولت انام بدرى ضد طبيعتى فضلت صاحى من الساعه 12 بالليل لغاية 10 الصبح اما ليه البنات مش بيشتغلوا فى محل الدهب لانى محل الدهب عايز واحد تعامله زى السيف مش حد عاطفى

صبري سراج يقول...

ولما الستات تشتغل في محلات الدهب

مين اللي هيشتري ؟

sosa يقول...

عمرو
ميرسى على الدعوة اللى جت بالامتحان بس مش هتنازل انها تكون للمادة الجايةعشان صعبة 6 شويات
بس انت متضايق ليه من ذكريات 12 ساعة ياابنى دول 21 سنة الا شهرونص يعنى عايزينلهم 100 سنة
وميرسى لرايك فى الموضوع
بس للاسف الستات ماينفعوش هما يبقوا بياعين الدهب لان ببساطة مابيضحكش على الست الا الراجل انما لو ست زيها اللى بتبيع يبقى اضمنلك ان كل محلات بيع الدهب هتقفل:))

sosa يقول...

معاق مصر
شرفت ونورت المدونة واتمنى انها ماتبقاش المرة الاخيرةاللى تزورنى فيها
وهى كده فعلا
ميرسى ليك اوى
وانا الحمد لله مش بنام فى الامتحانات
ادعيلى للامتحان الجاى بقى

sosa يقول...

يوسف
تلاقيه كان بتاع جوزها وهى واقفة فيه لظروف طارئة
ده شئ اساسى

sosa يقول...

مش قادرة
منورانى والله
وميرسى لردك
والحمد لله الامتحان جه سهل جدا جدا جدا على غير العادة
ربنا يهديهم كمان وكمان

وردا على سؤالك
انا اداب المنوفية
انا بزور جامعة القاهرة فى المناسبات البحثية والمشروعية التخرجية فقط لا غير
نورتينى

sosa يقول...

شريف
حرام عليك مش للدرجة دى
انا معاك ان عينهم زايغة
بس الناس نفسها بتتسد من الحاجة اللى بتبقى موجودة بكترة ادامهم
والا كانت صاحبات البوتيكات لبست الحاجة اللى فى المحل بتاعها كلها ورجعت تبيعها
السبب التانى بقى ممكن يكون عندك حق فيه

واى خدمة
لازم يكون بوست فى الجول
ادى اخرة اللى يشغل دماغه فى الامتحانات:))

sosa يقول...

محمد
الحمد لله طمنتنى على نفسى
بس انا مكنتش صاحية بسبب الامتحان
انا كنت براجع نفسى على راى شيرين

وميرسى لرايك
وشرفت المدونة
ماتقطعش الزيارات بقى

sosa يقول...

صبرى باشا
حسستنى ان البلد كلها محلات دهب
ثم ان الستات بتنقى والرجالة اللى بتدفع اصلا
يعنى اساسا اساسا مش فارقة ان الستات تقف
يعنى من الاخر الستات مش بتدفع حاجة من جيبها
وللا انت ليك راى تانى ياباشمهندس صبرى:))

اسكندراني اوي يقول...

انتي عليكي اسئله
بس بجد ليه ؟؟

ممكن لان الستات ما عندهمش ثقه في الستات اللي زيهم
اسف اقصد يعني مش حيثقو في رايهم زي راي الرجاله
احتمال
بس بوست حلو الله ينور

sosa يقول...

اسكندرانى
منورنى والله
بس مالها الاسئلة
دى الاستفتاح لسة:))
بس انت صح برضه

will يقول...

情趣用品,情趣,情色,成人,A片,自拍

情趣用品,情趣,色情,成人影片,色情影片,免費A片,A片

情趣用品,情趣,成人網站,A片下載,日本AV,做愛

情趣用品,情趣,美女交友,A片,辣妹視訊,情色視訊

情趣用品,情趣,色情聊天室,聊天室,AV,成人電影

情趣用品,情趣用品,情趣,情趣

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影