6.22.2007

سؤال

بقالى يومين فى سؤالين عمالين يلفوا ويدوروا فى دماغى ياترى ايه هى احلى حاجة فى الدنيا؟ وايه هى اوحش حاجة فى الدنيا؟ من وجهة نظرى لقيت ان احلى حاجة فى الدنيا باختصار لما تلاقى حد يفهمك ويقف جنبك ويبقى جنبك وقت ما تحتاجه يشيل همك يشاركك دنيتك سواء كان اخ او صديق او حبيب او اخت او اى حد مهما كان صلته بيك واسوأ شئ فى الوجود انك تلاقى نفسك لوحدك من غير كل ده ولا اخ ولا صديق ولا حبيب قاعد عايش لوحدك محدش بيسال فيك محدش بيسال عليك اسوأ شئ فى الوجود اكيد ده بيختلف من وقت للتانى من شخص للتانى من بلد للتانية بس بتفضل الحالة دى مسيطرة على الكل

هناك 6 تعليقات:

Mohamed Hamdy يقول...

بوست جميل أوى يا سوسه
سهل ممتنع فى نفس الوقت
أحسن حاجه متهيالى ان الانسان يكون مرتاح البال , ومتصالح مع نفسه , ومقتنع بقيمه الى بيعمله مهما كان رأى الأخرين

وأسوأ حاجه هى إحساس الخوف .. والضعف , وإن الإنسان يقف عاجز بينما أحلى أحلامه بتضيع وتتسرق من بين إيديه

بس كدة

وبجد بوست هايل
تحياتى

عمرو غريب يقول...

بوست جميل اوي بس انا رائي ان احسن حاجة في الدنيا هو ان يحس الانسان ان ربنا سبحانة وتعالي راضي عنة وعندما يكون الانسان عندة شعور بالرضي عن كل شي في حياتة

احلامنا الحلوة يقول...

بوست جميل ياسوسه وفعلا هيه دى احلى حاجه فالدنيا :)

sosa يقول...

محمد حمدى
ميرسى اوى على المجاملات دى
وربنا ينولك راحة البال
ويبعد عنك الخوف والعجز ده
بالذات ان النتيجة بتقرب:S

micheal يقول...

كلام جميل يا سوسه بس برضه اجمل حاجه بالاضافه للي قلتيه يبقي الواحد معاه شويه حظ و مفيش مانع من 2 أو 3 مليون عليه
:)
تحياتي لكي

بنى أدم مع وقف التنفيذ يقول...

كلام جميل
حاسس به جدا
نفسي يبقي فيه ناس كتير قريبه منى
بس ده له ضريبة