٦.٢٢.٢٠٠٧

عمرى فى حياتى ماندمت انى عرفت ناس
او انى فارقت ناس

او انى انجرحت من ناس

مهما كانت صفات الناس دى
ومهما كانت نيتهم سواء خير او شر
بالعكس
ده انا ببقى مديونالهم
لانهم بيكونوا ضافوا لرصيد خبرتى فى الحياه اللى يكفينى انى اكسب قوة تعيشنى لبكرة

وانى اخد مناعة من جراح مشابهة جاية

وانى اعرف اتعامل مع اللى زيهم
ومااخسرش الكويسين اللى اضطرتنى الظروف انى اخسر اللى زيهم
بس بعتبر الجرح والزعل عليهم وعلى الايام اللى ضاعت مع اللى مايستاهلوش
تمن الخبرة دى

منى ليهم

متشكرة جدا

هناك ٨ تعليقات:

Rana يقول...

قلتي ببساطة شديدة اللي انا عايزة اقوله

انت جميلة قوي ياسارة ميرسي ليك على كل حاجة

Mohamed Hamdy يقول...

زى مبقولك كل مرة انتى عبقريتك متمثله فى حاجتين

أولهم بساطه موضوعاتك وعمقها
وثانيها قصرها وتكثيفها

يمكن انا لو حبيت اقول الكلمتين دول كنت كتبت مقاله طويله عريضه .. انتى الأشطر , عشان دايما الصعوبه كانت فى انك توصلى المعنى باقل عدد كلمات , عشان كدة أعظم الكتاب تلاقيهم دايما بيكتبو أقل الأعمدة مساحه , زى نص كلمه ومواقف وفكرة .. وغيرها

أما عن الموضوع , فهل فى النهاردة الإنسان الى عندو المستوى العالى دة من التفاهم مع نفسه بحيث انه يقدر يغفر للأخرين لأنه أتعلم منهم

صعبه .. بس مش مستحيله

تحياتى لقلمك البارع

بنى أدم مع وقف التنفيذ يقول...

االغبي هو اللى مش بيتعلم من اخطاءه

لازم نتعلم من تجاربنا

الخبر كنز عن الانسان اللى بيفهم

اسكندراني اوي يقول...

احيانا فعلا بيبقى تمن التعليم غااااااااااالي اوي
مش شرط فلوس
لكن جروح والاام واحيانا كتير دموع

بس بتعلم
وزمان قالو
محدش بيتعلم ببلاش

TheRiddle يقول...

اول مره ادخل البلوج ده
وبجد عجبني جدا جدا
الى الامام دائما ليكي تقديري

حزيــــــــــــــــــن يقول...

كلام موزون

micheal يقول...

معلش...ما هو لازم نغلط و نتعلم عشان نستقيد اكتر
تحياتي لكي

صاحب البوابــة يقول...

مدونة جميلة

سعدت بإكتشافها

تحياتي